इसा कोरोना फैल्या इसनै सबकै सांस चढ़ाए ।।
डब्ल्यू एच ओ नै महामारी के थे एलान कराये।।
1
चाइना तैं यो आया वायरस दुनिया के मैं छाया
इटली अमरीका जर्मन मैं भारी कहर मचाया
देख हाल संसार का झट केंद्र नै कदम उठाये।।
डब्ल्यू एच ओ नै महामारी के थे एलान कराये।।
2
सारी राज्य सरकारें हरकत मैं आन लगी
केरल की सरकारी पहल तै जनता खूब जगी
माच्या रोला भरम और डर के सारै बदल छाये।।
डब्ल्यू एच ओ नै महामारी के थे एलान कराये।।
3
फ्लू जिसी बीमारी इसके घणे इलाज बतावैं
हवन करै कोये काढ़ा दें कितै गौमूत्र पिलावैं
बहोत घण्यां नै इसतैं बचण के रस्ते कई बताये।।
डब्ल्यू एच ओ नै महामारी के थे एलान कराये ।।
4
वैक्सीन और दवाई आज वैज्ञानिक टोहणा चाहरे
लोकडाउन तन की दूरी तैं रोक थाम बतलारे
रणबीर कोरोना नै दुनिया तै सबक घने सिखाये।।
डब्ल्यू एच ओ नै महामारी के थे एलान कराये ।।
No comments:
Post a Comment