*ये आंकड़े उस रोज के लगभग आंकड़े हैं इस रागनी में ***
गायक अमित रोहणा
दुनिया मैं कोरोना का आज हिसाब लगाया रै।।
ग्यारा लाख मरीज होगे दिमाग चकराया रै।।
1
उनसठ हजार प्राणी मौत का शिकार होगे
हिसाब दुनिया का सुनकै होस हवास खोगे
घणे डॉक्टर पैदा होगे यो समाज उलझाया रै।।
ग्यारा लाख मरीज होगे दिमाग चकराया रै।।
2
कष्ट अमरीका और इटली घणा झेल रहे
अपने प्रयासों के म्हं सारा हांगा पेल रहे
डॉक्टर नर्स बाकी स्टाफ जोर खूब लगाया रै।।
ग्यारा लाख मरीज होगे दिमाग चकराया रै।।
3
आज पौने तीन लाख अमरीका मैं बीमार सैं
एक लाख बीस हजार इटली के मैं शिकार सैं
साढे चौदह हजार मरे इटली मैं बताया रै।।
ग्यारा लाख मरीज होगे दिमाग चकराया रै।।
4
बत्तीस सौ म्हारे देश मैं मरीज आज गिनाए
थोड़े साधनों के साथ ये लॉक डाउन लगाए
कई करोड़ जनता देखो दुख घना उठाया रै।।
ग्यारा लाख मरीज होगे दिमाग चकराया रै।।
No comments:
Post a Comment